星期四晚訓覺時 頭痛醒左，以為係普通頭痛 到星五時先發現，左耳背腫起左一大舊，然後頭髮下有一粒野生左出黎。 去睇醫生，醫生話應該係細菌感染，引致淋巴發炎。 星六我就照常去CAMP，去到沙灘，朋友們都問我做咩成身都係粒粒，我先發現我由頭開始慢慢生到落去腹部，多左好多紅色一粒粒。 呢D 一粒粒令我玩都玩得唔自在，返去沖涼時仲發現生到落大脾。 果一晚，我由發燒，到最初係頭髮下面生果粒開始變到好痛，再越生越多粒粒，我就開始擔心。 另一朝一早我就先自行回去，想襯星日朝早診所仲會開門時就去睇睇醫生問下咩事。 醫生話，我出水痘，成年人好少會生，因為多數細個都會生左有抗體，或者打左針。 我記得我細個有打過針，應該係近呢一兩個月頹廢既生活令我免疫力嚴重下降而中招… 醫生開左支LOTION俾我搽, 一支藥液沖涼, 退燒藥同埋抗敏藥(止癢) 呢個時侯我都唔覺痕，返到去沖個涼食埋藥搽好LOTION就去訓覺。 到夜晚一起身，我身上爆既水痘多過訓之前一倍有多! 而且成面都係…都唔知會唔會留疤…唯有好返之後做多D運動加速新陳代謝。 訓覺時，我根本訓唔到…訓著左一陣又痕…痕醒左 尤其係頭髮下生果D 水痘…我搽唔到野落去，D抗敏藥又止唔到痕，又痕又痛… 聽日搵下計食下中藥先得…睇下可唔可快D發哂出黎…唔駛痛苦咁多日…真係好辛苦 | 
